THE WORLD BY THE EYE OF A PILOT

SOURCE: http://www.bbc.com/urdu/science-39527655

دنیا ایک پائلٹ کی نظر سے

• 7 اپريل 2017

یہ بیرونی لنک ہیں جو ایک نئی ونڈو میں کُھلیں گے
• اس پوسٹ کو شیئر کریں فیس بک
 
• اس پوسٹ کو شیئر کریں ٹوئٹر
 
• اس پوسٹ کو شیئر کریں Messenger
 
• اس پوسٹ کو شیئر کریں ای میل
 
• شیئر

ہالینڈ سے تعلق رکھنے والے پائلٹ کرسچیئن وین ہیئسٹ کاک پٹ سے نظر آنے والے شاندار مناظر کی تصویر کشی کرتے ہیں۔

ان کی تصاویر میں پاکستان میں دریائے سندھ کے ڈیلٹا کے علاقے سے لے کر الاسکا کے اوپر قطبی روشنیوں تک کے مناظر دیکھے جا سکتے ہیں۔

تصویر کے کاپی رائٹCHRISTIAAN VAN HEIJST

تصویر کے کاپی رائٹCHRISTIAAN VAN HEIJST

اگرچہ وین ہیئسٹ اپنی ہر پرواز کے دوران تصویر کشی نہیں کرتے لیکن ہر ماہ تقریباً سو گھنٹے فضا میں گزارنے کے دوران انھیں اپنے اس شوق کی تسکین کا موقع مل ہی جاتا ہے۔

اکثر وہ اپنا کیمرہ کاک پٹ کی کھڑکی پر رکھ کر خوبصورت قدرتی مناظر کے متلاشی رہتے ہیں۔ ان کے مطابق ایک شاندار تصویر کھینچنے کے لیے انھیں کم از کم پانچ سے دس تصاویر کھینچنی پڑتی ہیں اور اگر وہ خوش قسمت ہوں تو ان سے ایک ایسی تصویر ہوتی ہے جو قابلِ دید ہوتی ہے۔

تصویر کے کاپی رائٹCHRISTIAAN VAN HEIJST

تصویر کے کاپی رائٹCHRISTIAAN VAN HEIJST

وین ہیئسٹ اکثر طویل دورانیے کی پروازوں پر کام کرتے ہیں جن میں طیارہ اڑانے کے لیے تین یا اس سے زیادہ پائلٹ تعینات ہوتے ہیں۔ اس سے انھیں اپنی نشست سے اٹھ کر بوئنگ 737 کے پر کے اوپر قطبی روشنیوں کی اس تصویر جیسے شاہکار عکس بند کرنے کا موقع مل جاتا ہے۔ کرسچیئن کے مطابق یہ روشنیاں اتنی تیز ہوتی ہیں کہ بعض اوقات چند سیکنڈز کا ایکسپوژر ہی اس تصویر کشی کے لیے کافی ہوتا ہے۔

تصویر کے کاپی رائٹCHRISTIAAN VAN HEIJST

تصویر کے کاپی رائٹCHRISTIAAN VAN HEIJST

یہ تصویر شمالی روس کی فضاؤں میں بنائی گئی اور اس میں طلوع ہوتے سورج کے ہمراہ مدھم قطبی روشنیاں بھی دیکھی جا سکتی ہیں۔ یہ تصویر تقریباً تاریکی میں کھینچی گئی۔

30 سیکنڈ تک کے ایکسپوژر سے تصاویر کے دھندلانے کا خطرہ پیدا ہو جاتا ہے اور ساتھ ہی پرواز کے ناہموار ہونے کا خدشہ تو ہمیشہ موجود ہی رہتا ہے۔ کرسچیئن کے مطابق ان کے ساتھ اکثر ایسا ہوتا ہے کہ وہ تصویر کشی کے لیے کیمرہ سیدھا کرتے ہی ہیں کہ طیارہ ہلنا شروع کر دیتا ہے۔

تصویر کے کاپی رائٹCHRISTIAAN VAN HEIJST

تصویر کے کاپی رائٹCHRISTIAAN VAN HEIJST

تصویر کے کاپی رائٹCHRISTIAAN VAN HEIJST

یہ تصویر ٹورانٹو کے اوپر ایک طوفان کی ہے اور کرسچیئن نے یہ تصویر بطور مسافر طیارے پر سفر کے دوران لی۔ فش آئی لینز استعمال کرتے ہوئے انھوں نے ایسا تاثر دیا کہ کیمرہ طیارے کے باہر موجود ہے۔

تصویر کے کاپی رائٹCHRISTIAAN VAN HEIJST

یہ آخری تصویر کوہِ ہمالیہ کے پہاڑی سلسلے پر غروبِ آفتاب کی ہے۔ کرسچیئن کے مطابق ایسے مناظر دیکھ پانا انھیں یہ احساس دلاتا ہے کہ وہ ایک شاندار نوکری کر رہے ہیں جو انھیں یہ مواقع فراہم کرتی ہے۔

تصویر کے کاپی رائٹCHRISTIAAN VAN HEIJST

تمام تصاویر بشکریہ کرسچیئن وین ہیئسٹ