Source: https://www.bbc.com/urdu/science-45086944
آسٹریلیا میں خشک سالی ڈرون کیمرے کی نظر سے
آسٹریلیا کے کچھ مشرقی علاقے بارشوں کی کمی کے باعث شدید ترین خشک سالی کا شکار ہے جس سے فصلیں بھی بری طرح متاثر ہوئی ہیں۔
خبررساں ادارے روئٹرز کے فوٹوگرافر ڈیوڈ گرے نے خشک زمین کی فضا سے منظر کشی کی ہے اور رنگوں کے خوبصورت امتزاج کو پیش کیا ہے۔
REUTERS
نیو ساؤتھ ویلز میں والگیٹ میں ایک کھیت کے باہر ایک تنہا درخت زندگی کی واحد علامت دکھائی دے رہا ہے۔ کھیت کے مالک مے میک کیون کا کہنا تھا کہ انھوں نے سنہ 2010 کے بعد زیادہ بارش نہیں دیکھی۔
REUTERS
نیو ساؤتھ ویلز کا 89 فیصد علاقہ جبکہ کوئنز لینڈ کے دو تہائی حصہ خشک سالی کا شکار ہے۔ جس کے نتیجے میں کسان اپنے پالتو جانوروں کے لیے باہر سے خوراک خرید رہے ہیں جس سے ان کی قیمتیں بھی بڑھی ہیں۔
REUTERS
نیو ساؤتھ ویلز کے علاقے ٹامورتھ میں ایک گائے ایک پانی کے ٹینک کے قریب جا رہی ہے۔ ایک کسان ٹام ولسٹن کا کہنا ہے کہ 'میں صرف کھانا کھلانے کے علاوہ کچھ کرنہیں سکتا، ایسے ہی گزر رہا ہے، یہ خشک سالی پہلے سے بہت بدتر ہے۔'
REUTERS
نیو ساؤتھ ویلز میں گنیڈا کے قریب ایک خشک تالاب۔ حکومت کی جانب سے خشک سالی سے متاثرہ کسانوں کے لیے ایک ارب آسٹریلین ڈالر کی امداد دی گئی ہے۔ کسان ایش وائٹنی کا کہنا ہے کہ 'میں نے ساری زندگی یہاں گزاری ہے، اور ایسا محسوس ہوتا ہے کہ یہ خشک سالی ابھی مزید رہے گی۔'
REUTERS
ٹامورتھ کے علاقے میں بھیڑیں کھانا کھا رہی ہیں۔ حکومت کی جانب سے دی جانے والی امداد میں مشکلات کا شکار کسانوں کے لیے بہتری دماغی صحت کے لیے بھی رقوم مختص کی گئی ہیں۔
REUTERS
سنہ 2002 کے بعد سے آسٹریلیا کے کچھ حصوں میں دسمبر اور فروری کے درمیان شدید ترین گرم موسم ریکارڈ کیا گیا تھا، جبکہ جولائی کا مہینہ ملک میں گرم ترین مہینہ تھا۔
REUTERS
ایک سیراب احاطے کے قریب ہی خشک زمین کا ٹکڑا۔ آسٹریلیا کی ایک چوتھائی زرعی پیداوار کا انحصار نیو ساؤتھ ویلز پر ہے، لہذا خشک سالی سے یہ شعبہ خاصا متاثر ہوا ہے۔
REUTERS
جون میں خشک سالی سے متاثرہ علاقوں کا دورہ کرتے ہوئے وزیراعظم میلکم ٹرنبل کا کہنا تھا کہ اس کا موسمیاتی تبدیلی کے ساتھ واضح تعلق ہے۔
تمام تصاویر روئٹرز کی ہیں
No comments:
Post a Comment