PAK MONEY DEVALUED WHY?

SOURCE:  http://www.bbc.com/urdu/pakistan-37976411

پاکستان میں روپے کی قدر میں کمی کی وجہ کیا ہے؟

عابد حسینبی بی سی اردو ڈاٹ کام، اسلام آباد

• ایک گھنٹہ پہلے

• اس پوسٹ کو شیئر کریں فیس بک
 
• اس پوسٹ کو شیئر کریں ٹوئٹر
 
• اس پوسٹ کو شیئر کریں Messenger
 
• اس پوسٹ کو شیئر کریں ای میل
 
• شیئر

تصویر کے کاپی رائٹAFP

Image caption'قدر میں پانچ فیصد اضافے کا نتیجہ مہنگائی کے طوفان کی صورت میں آئے گا'

پاکستان میں منگل کو انٹر بینک تجارت میں ڈالر کی قدر بڑھ کر 115.50 روپے تک پہنچ گئی جس کے بعد کرنسی کا کاروبار کرنے والوں اور ماہرین نے اس شک کا اظہار کیا کہ اس کی وجہ بین الاقوامی فنانشل اداروں سے قرضوں کی ادائیگی کے لیے کیے گئے وعدے ہیں۔

سٹیٹ بینک کی جانب سے یہ موقف اختیار کیا گیا کہ ڈالر کی بڑھتی ہوئی قیمت کی وجہ مارکیٹ میں اس کی بڑھتی ہوئی طلب ہے لیکن سٹیک ہولڈرز نے اس وجہ کو زیادہ قابل قبول نہیں سمجھا۔

واضح رہے کہ جولائی 2017 میں ڈالر کی قیمت 106 روپے تھی۔

مزید پڑھیئے

پاکستان میں انڈین کرنسی کا کاروبار کرنے والے پریشان

روپے کی قدر میں کمی : کس کو فائدہ اور کسے نقصان ؟

قرضوں میں جکڑے پاکستانی کسان

پاکستانی بازارِ حصص میں ریکارڈ توڑ کاروبار

بی بی سی سے بات کرتے ہوئے ایکسچینج کمپنیز ایسوسی ایشن کے جنرل سیکریٹری ظفر پراچہ نے کہا کہ بین الاقوامی مالیاتی فنڈ (آئی ایم ایف) اس بات کی جانب اشارہ کرتا رہا ہے کہ ڈالر کی موجودہ قیمت اس کی قدر کی صحیح عکاسی نہیں کرتی اور اس کے مطابق اسے 120 سے 125 روپے تک لے جانا ہوگا۔

'میرا خیال ہے کہ ڈالر کی قیمت میں اضافہ اسی سلسلے کی کڑی ہے۔'

ظفر پراچہ نے حکومتی اہلکاروں کو اس پر کافی تنقید کا نشانہ بنایا اور کہا کہ وہ غیر ملکی دوروں میں بین الاقوامی اداروں سے وعدے کر کے آجاتے ہیں لیکن ان میں اتنی اخلاقی جرات نہیں ہوتی کہ وہ عوام کو سچ بتا سکیں۔

'قدر میں پانچ فیصد اضافے کا نتیجہ مہنگائی کے طوفان کی صورت میں آئے گا۔' ظفر پراچہ نے مزید کہا کہ اس کا اثر مختلف جگہ پر نظر آئے گا۔

تصویر کے کاپی رائٹAFP

Image caption’ڈالر کی بڑھتی ہوئی قیمت کا اثر عام عوام پر آسکتا ہے، خاص طور پر جب پیٹرول کی قیمتوں میں اضافہ ہو اور یہ اضافہ مہنگائی ساتھ لے کر آئے گا‘

دوسری جانب ماہر اقتصادیات صفیہ آفتاب نے بی بی سی کو بتایا کہ آئی ایم ایف کی حالیہ رپورٹ میں واضح طور پر درج تھا کہ پاکستان کے ذرِ مبادلہ کے ذخائر میں بہت کمی آ گئی ہے جس سے انھیں قرضوں کی ادائیگی میں دشواری پیش آ سکتی ہے۔

انھوں نے کہا: 'میرا خیال ہے کہ ڈالر کی قیمت میں یہ اضافہ سٹیٹ بینک کی جانب سے کیا گیا ہے جیسا انھوں نے دسمبر میں کیا تھا۔'

صفیہ آفتاب نے کہا کہ پاکستان کی معیشت درآمدات پر انحصار کرتی ہے۔

'ڈالر کی قدر میں اضافے کے بعد خیال کیا جاتا ہے کہ شاید درآمدات کچھ کم ہو جائیں اور برآمدات میں اضافہ ہو لیکن اس بات کی کوئی گارنٹی نہیں ہوتی۔'

صفیہ آفتاب نے کہا کہ ڈالر کی بڑھتی ہوئی قیمت کا اثر عام عوام پر آسکتا ہے، خاص طور پر جب پیٹرول کی قیمتوں میں اضافہ ہو اور یہ اضافہ مہنگائی ساتھ لے کر آئے گا۔

ادھر ظفر پراچہ نے بھی اسی موقف کا اظہار کیا اور کہا کہ ہم درآمدات پر انحصار کرتے ہیں اور حکومت کو ایسا کوئی بھی فیصلہ لینے سے پہلے سٹیک ہولڈرز سے بات کرنی چاہیے کیونکہ اس سے سب متاثر ہوتے ہیں۔

'ڈالر کی قیمت میں اضافہ کی وجہ سے ملک سے سرمایہ چلا جاتا ہے اور سرمایہ دار یہاں آنا نہیں چاہتے اور یہ ہر طرح سے نقصان دہ ہے۔'

کہانی کو شیئر کریں شیئرنگ کے بارے میں

SOURCE: http://www.bbc.com/urdu/pakistan-42309783

پاکستانی روپے کی قدر میں کمی : کس کو فائدہ ہے اور کسے نقصان؟

• 11 دسمبر 2017

• اس پوسٹ کو شیئر کریں فیس بک
 
• اس پوسٹ کو شیئر کریں ٹوئٹر
 
• اس پوسٹ کو شیئر کریں Messenger
 
• اس پوسٹ کو شیئر کریں ای میل
 
• شیئر

تصویر کے کاپی رائٹAFP

Image captionروپے کی قدر میں کمی کا براہِ راست اثردرآمد کی جانے والی اشیاء پہ پڑتا ہے اور وہ مزید مہنگی ہوجاتی ہیں

ڈالرکے مقابلے میں پاکستانی روپے کی گرتی ہوئی قدر سے پاکستان کی ٹیکسٹائل اور دیگر برآمدی صنعت سے وابستہ افراد میں خوشی کی لہردوڑ گئی ہے البتہ درآمد کنندگان میں شدید بے چینی پائی جاتی ہے۔

پاکستانی روپے کی قدر میں کمی کا براہِ راست اثر ان اشیاء کی قیمتوں پر ہوتا ہے جو بیرونِ ملک سے درآمد کی جاتی ہیں جیسے کہ کمپیوٹرز، گاڑیاں اور موبائل فونز وغیرہ اور ان تمام اشیاء کی قیمتوں میں اضافہ ہو جاتا ہے۔

اس کے علاوہ پاکستان پر بین الاقوامی مالیاتی ادارے آئی ایم ایف اور عالمی بنک کے قرضوں کا حجم بھی بڑھ جاتا ہے۔ مثلا اگر ایک ڈالر 100 روپے کے برابر ہو اور ایک ارب ڈالر کا قرضہ ہو تو اس حساب سے 100 ارب روپے کا قرضہ ہوگا لیکن اگر ڈالر 110 کا ہوجائے تو قرضہ بھی اسی حساب سے بڑھ جائے گا۔

یہ بھی پڑھئے

پاکستان میں اضافی ٹیکسوں سے آپ کا بجٹ متاثر ہو گا؟

اسلام آباد دھرنا کتنا مہنگا پڑا؟

ڈیجٹل کرنسی بٹ کوائن کی قیمت میں زبردست اضافہ

دوسری جانب روپے کی قدر میں کمی سے ملکی برآمدات کرنے والوں کو بظاہر فائدہ ہوتا ہے۔ چونکہ برآمد کرنے والے کو اپنی چیز کی زیادہ قیمت مل رہی ہوتی ہے اس لیے وہ اپنی پیداواری لاگت میں رہتے ہوئے اشیاء کی قیمت میں کمی کر سکتا ہے۔ اس طرح عالمی منڈی میں برآمدات بڑھ جاتی ہیں اوراس سے جاری کھاتے یا کرنٹ اکاؤنٹ کا خسارہ بھی کم ہوجاتا ہے۔

تصویر کے کاپی رائٹAFP

Image captionروپے کی قدر میں کمی سے برآمد کنندگان اور ٹیکسٹائل لابی خوش ہوتی ہے

ماہرِ معاشیات پروفیسرشاہد حسن صدیقی کہتے ہیں کہ ’جب سے موجودہ حکومت آئی ہے پاکستان کی برآمدات مستقل گر رہی ہیں اور درآمدات تیزی سے بڑھ رہی ہیں جس کی وجہ سے گزشتہ چار سال چار ماہ میں 107 ارب ڈالر کا تجارتی خسارہ ہوا ہے۔ ایسے میں بیرون ملک مقیم پاکستانیوں کی جانب سے بھیجی گئی رقوم کے ذریعے اسے کم کرنے کی کوشش کی گئی تاہم پھر بھی جاری کھاتے کاخسارہ تقریبا 22 ارب ڈالر ہو گیا۔‘

انھوں نے مزید کہا کہ پاکستان میں گزشتہ ایک سال سے جاری سیاسی افراتفری اورعدالتی کارروائی کی وجہ سے اب تک بیرونی سرمایہ کاری میں کمی آئی ہے جس سے پاکستان کے زرِ مبادلہ کے ذخائر میں پانچ ارب ڈالرسے زیادہ کی کمی واقع ہوئی ہے۔

پروفیسرشاہد حسن صدیقی کے بقول ’روپے کی قدر مزید کم ہونے کی گنجائش ہے تاہم اس عمل سے کرنٹ اکاؤنٹ کے خسارے میں کوئی خاطر خواہ فرق نہیں پڑے گا کیونکہ اس کے ساتھ جو دوسرے اقدامات کرنے کی ضرورت ہے اس کے لیے مرکزی بینک اور حکومت دونوں تیار نہیں ہیں لہذا اس عمل سے مہنگائی میں اضافہ ہوگا اور بجٹ کا خسارہ بھی بڑھ جائے گا’۔

ان کا کہنا تھا کہ’روپے کی قدرمیں کمی بظاہر غیر مقبول فیصلہ ہے تاہم پاکستان کا بااثر طبقہ یعنی برآمد کنندگان اور ٹیکسٹائل لابی اس سے بہت خوش ہوں گے۔‘

ایکسچینج کمپنیز ایسوسی ایشن آف پاکستان کے جنرل سیکریٹری ظفر پراچہ نے بی بی سی کو بتایا کہ جون میں بھی ڈالر 104.80 سے بڑھ کر اچانک 110 روپے ہوگیا تھا جس کے بعد حکومت نے ایکشن لیا اور دوبارہ ڈالر 105 روپے پر آگیا تھا۔ گذشتہ جمعہ کو بھی انٹربینک میں ڈالر 111 روپے پر چلا گیا تھا جس کے دو گھنٹے بعد 105.50 روپے پر آگیا۔ تاہم اسی روز مرکزی بینک کی ویب سائٹ پر ڈالر کی قیمت 107 روپے درج تھی لیکن سوموار کو ڈالر پھر بڑھ کر 110 پر چلاگیا تھا اور اس وقت انٹربینک میں 108 روپے کا ڈالر ہے جبکہ درآمد کنندگان کو ڈالر 110.50 میں دیا جا رہا ہے۔

ان کا کہنا تھا کہ’حکومت نے پانچ سے دس فیصد کی ایڈجسٹمنٹ کےلیے آئی ایم ایف سے ملاقات کرنے کا عندیہ دیا ہے تاہم اگر ڈالر 111 روپے سے اوپر گیا تو حالات خراب ہوسکتے ہیں۔‘

ظفر پراچہ نے بتایا کہ کرنسی ڈیلرز کو روپے کی قدر میں کمی سے نقصان ہی ہوتا ہے کیونکہ اگر انھوں نے ڈالر بیچنا بند کیا تو افراتفری مچ سکتی ہے اور کبھی بھی اس کا فائدہ نہیں ہوتا کیونکہ بیچنے والا بیچنا بند کردیتا ہے اور خریدنے والا بھاگ بھاگ کرخریدتا ہے۔

انھوں نے بتایا کہ اس وقت اوپن مارکیٹ میں ڈالر 108 روپے میں فروخت کیا جارہا ہے۔

متعلقہ عنوانات

• آئی ایم ایف
• معیشت
• پاکستان
• عالمی بینک

کہانی کو شیئر کریں شیئرنگ کے بارے میں

• ای میل
• فیس بک
• Messenger
• ٹوئٹر
• گوگل پلس

واپس اوپر جائیں

اسی بارے میں

• ڈیجٹل کرنسی بٹ کوائن کی قیمت میں زبردست اضافہ

  8 دسمبر 2017
• اسلام آباد دھرنا: شہر کو بند کرنے کی قیمت؟

  26 نومبر 2017
• پاکستان میں درآمدی مصنوعات پر ٹیکس میں اضافہ، کیا اس سے آپ کا بجٹ متاثر ہو گا؟

  19 اکتوبر 2017
• پیداوار میں کمی کے فیصلے کے بعد تیل کی قیمتوں میں اضافہ

SURCE: http://www.bbc.com/urdu/pakistan-37976411

پاکستان میں انڈین کرنسی کا کاروبار کرنے والے پریشان

عبداللہ فاروقیبی بی سی اردو ڈاٹ کام، اسلام آباد

• 14 نومبر 2016

• اس پوسٹ کو شیئر کریں فیس بک
 
• اس پوسٹ کو شیئر کریں ٹوئٹر
 
• اس پوسٹ کو شیئر کریں Messenger
 
• اس پوسٹ کو شیئر کریں ای میل
 
• شیئر

تصویر کے کاپی رائٹGETTY IMAGES

Image captionنوٹ بدلوانے اور اپنے پیسے نکالنے کے لیے انڈیا بھر کے تمام بینکوں میں لوگوں کی کثیر تعداد قطاریں میں نظر آ رہی ہیں

پاکستان میں کرنسی کا کاروبار کرنے والوں کا کہنا ہے کہ پاکستان میں اُن کے پاس تقریباً 15 کروڑ روپے سے زیادہ انڈین کرنسی موجود ہے جو اب انڈیا میں 500 اور 1000 کے نوٹوں پر پابندی کے بعد اپنی اصل قیمت کی چوتھائی قیمت پر فروخت ہو رہی ہے جس سے اُن کو شدید نقصان اُٹھانا پڑ رہا ہے۔

پاکستان ایکسچینج کمپنیز ایسوسی ایشن کے جنرل سیکرٹری ظفر پراچہ کا کہناہے کہ اِس سے کہیں زیادہ مالیت کے کرنسی نوٹ پاکستانی عوام کے پاس موجود ہو سکتے ہیں جو تجارت یا پھر سیاحتی کے غرض سے انڈیا جاتے ہیں۔

٭’ ایسا لگ رہا ہے جیسے لاش ٹھکانے لگا دی ہو‘

ظفر پراچہ کے مطابق انڈین حکومت نے 500 اور 1000 کے نوٹوں پر پابندی کا فیصلہ اچانک کیا اور انڈیا سے باہر کرنسی کے کاروبار سے منسلک افراد اور بیرون ملک مقیم افراد کے لیے نوٹ تبدیل کرانے کا دورانیہ بھی مناسب نہیں۔

'خاص طور پر باہر کے ممالک اور غیر ملکیوں کے لیے کچھ وقت مقرر کرنا چاہیے تھا۔ اُنہوں نے اپنے ملک میں رہنے والوں کے لیے تو وقت دے دیا جو شائد مناسب ہو لیکن ہمارے لیے نہیں۔'

تصویر کے کاپی رائٹGETTY IMAGES

Image captionنڈین حکومت نے 500 اور 1000 کے نوٹوں پر پابندی کا فیصلہ اچانک کیا

ظفر پراچہ کا کہنا ہے کہ اِس وقت ملک کے مختلف منی چینجرز کے پاس 15 کروڑ سے زیادہ انڈین کرنسی موجود ہے جو اِس فیصلے کے بعد اپنی اصل قدر کے مقابلے میں چوتھائی قیمت پر فروخت ہو رہی ہے۔

'پہلے اگر پاکستانی روپے کے مقابلے میں انڈین روپے کی عالمی سطح پر قیمت ایک روپیہ ساٹھ پیسے یا ستر پیسے تھی تو اب وہ اچانک گر کر پچاس پیسے رہ گیا۔ دو دنوں سے صورتحال یہ ہے کہ کوئی خرید نہیں رہا اور ہم لوگ ڈالر کے علاوہ ساری کرنسی دبئی برآمد کر کے ڈالرز میں ایکسچینج کرتے ہیں لیکن دبئی میں بھی کوئی نہیں خرید رہا انڈین کرنسی۔'

پاکستانی منی چینجرز نے پورے ملک سے اپنے نقصان کا تخمینہ لگا کر مرکزی بینک سے رجوع کرنے کا فیصلہ کیا ہے تاکہ اِس نقصان کو کم کیا جا سکے لیکن کسی مدد کے نہ مل پانے کی صورت میں یہ انڈین کرنسی صرف کاغذ کا ٹکڑا رہ جائے گی۔

اِس سے قبل انڈیا نے پاکستان پر یہ الزام لگایا تھا کہ کراچی اور پشاور میں انڈین کرنسی کے 500 اور 1000 والے نوٹ چھاپے جا رہے ہیں۔

تصویر کے کاپی رائٹGETTY IMAGES

اِس معاملے پر پاکستانی وزارتِ خارجہ کے ترجمان نفیس زکریا کا کہنا تھا کہ'ہم نے میڈیا رپورٹس کا مشاہدہ کیا ہے اور یہ اقدام انڈیا میں بدعنوانی، انڈر ورلڈ کا کالا دھن اور جعلی کرنسی کے کاروبار کی وجہ سے اُٹھایا گیا اور پاکستان نہیں بلکہ انڈیا پاکستان میں دہشت گردی کے لیے مالی مدد فراہم کرتا رہا ہے جس کے ناقابلِ تردید ثبوت پاکستان کے پاس ہیں۔'

انڈیا میں آج سے چھ روز قبل 500 اور 1000 روپے کے کرنسی نوٹوں پر لگائی گئی پابندی سے عوام ایک بحرانی کشمکش کا شکار ہیں، کاروبار ٹھپ ہیں اور افواہوں کا بازار گرم ہے۔

یکایک بہت سے لوگوں کی برس کی بچت بےقدر ہوگئی۔ جیب میں نوٹ تو ہیں لیکن انھیں لینے والا کوئی نہیں۔

نوٹ بدلوانے اور اپنے پیسے نکالنے کے لیے ملک بھر کے تمام بینکوں میں لوگوں کی کثیر تعداد قطاروں میں کھڑی نظر آ رہی ہے جبکہ کئی جگہ بے قابو ہجوم کو کنٹرول کرنے کے لیے پولیس کی مدد لینی پڑی ہے۔

متعلقہ عنوانات

• بھارت

کہانی

• ای میل
• فیس بک
• Messenger
• ٹوئٹر
• گوگل پلس