Action Research Forum:
Pakistan (Message To
Combat Faith Extremism), Amended Version Of Zia’s Islamic Jamhoiriya Of
Pakistan. Recall Jinnah’s Version Of Slogan For Pakistan Intra-Faith Unity +
Discipline. Which Was Hijacked By Faith + Unity+ Discipline. Evolution
Burst Made It Faith Polarization, The Recent Narrative Was An Attempt To Dilute
Faith And Focus On Unity + Discipline PML-N, Zahid Hamid Aborted
Version Of Amendment Of Pak Narrative.
Nevertheless, Jinnah's Binocular Vision Of Muslim
Society Of British India Tore Into Pieces, Challenged By Bangla Nationalism
Polarization Doctrine. Azad Long Experienced Mentor Visionary Perceiving Heterogeneity
Of British Raj Sub-Continent; Cults And Feudalism Embedded With Faith A Real
Challenge To Partition Of British- India At The End Of WWII, Which Were brutally Ignored
By Enthusiasts, But Still Instable Divided Pakistan After 70 Years of Birth .
***
SOURCE: http://www.bbc.com/urdu/pakistan-42702303
’پیغام پاکستان‘: انتہا پسندی کے خلاف نیا بیانیہ
AFP
پاکستان کے صدر ممنون حسین نے انتہا پسندی اور دہشت گردی کے خاتمے کے لیے ایک بیانیہ ’پیغام پاکستان‘ کے نام سے اسلام آباد میں جاری کیا ہے۔
منگل کو ایوان صدر، اسلام آباد میں انٹرنیشنل اسلامک یونیورسٹی کے زیر اہتمام متفقہ قومی بیانیے کے حوالے سے شائع ہونے والی کتاب ’پیغام پاکستان‘ کے اجرا کے موقع پر خطاب کرتے ہوئے صدر مملکت نے کہا کہ ’قرآن و سنت کی روشنی میں تشکیل پانے والا آئین پاکستان ہی بنیادی بیانیہ ہے جبکہ علما کا یہ فتویٰ اس کی وضاحت اور تائید کرتا ہے۔‘ ان کا کہنا تھا کہ اس سے انتہا پسندی اور دہشت گردی پر قابو پانے میں مدد ملے گی۔
اس کتاب میں 18 سو سے زائد علما کرام کا متفقہ فتویٰ شائع کیا گیا ہے جس میں دہشت گردی، خونریزی اور خود کش حملوں کو حرام قرار دیا گیا ہے۔
اس موقع پر وزیرِ داخلہ احسن اقبال، وزیر ِخارجہ خواجہ محمد آصف، چیئرمین کشمیر کمیٹی مولانا فضل الرحمان، چیئرمین ہائر ایجوکیشن کمیشن ڈاکٹر مختار احمد، ریکٹر انٹرنیشنل اسلامک یونیورسٹی ڈاکٹر معصوم یٰسین زئی، صدر وفاق المدارس العربیہ ڈاکٹر عبدالرزاق، صدر تنظیم المدارس اہل سنت مفتی منیب الرحمن، صدر وفاق مدارس سلفیہ پروفیسر ساجد میر، صدر وفاق المدارس شیعہ علامہ سید ریاض حسین نجفی، صدر رابط المدارس مولانا عبدالمالک نے بھی شرکت کی اور خطاب کیا۔
سینٹ میں قائد ایوان راجہ ظفر الحق نے نظام کی خامیوں کو دور کرنے کے لیے قومی یکجہتی کی ضرورت پر زور دیا۔ وزیرخارجہ خواجہ محمد آصف نے کہا کہ دہشت گردی کے خلاف علما کا متفقہ بیانیہ اس بات کا ثبوت ہے کہ قوم ملک سے دہشت گردی اورانتہاپسندی کے خاتمے کےلیے پرعزم ہے۔
وزیر داخلہ احسن اقبال نے تابناک مستقبل کے لیے اپنی صفوں میں اتحاد اور یکجہتی کو فروغ دینے کی ضرورت پرزور دیا۔ انھوں نے مزید کہا کہ اگر عالمی برادری نے اپنی ذمہ داریاں پوری نہیں کیں تو دہشت گردی کے خلاف کوششیں رائیگاں چلی جائیں گی۔
AFP
صدر مملکت ممنون حسین نے کہا کہ انھیں خوشی ہے کہ علما کے اس فتوے کو ریاستی اداروں کی تائید حاصل ہوئی اور اتفاق رائے ہی ان کی کامیابی کی کلید ہے۔ ’یہ مرحلہ طے کرنے کے بعد ضروری ہے کہ قوم کے دیگر طبقات کے نقطہ نظر کو بھی شامل کرنے کی کوشش کی جائے تاکہ ہر طبقہ اس کے فروغ میں کردار ادا کرے۔‘
انھوں نے کہا کہ مختلف مکاتب فکر کے علماء اور وفاق المدارس نے باہمی مشاورت اور اتفاق رائے سے جو فتویٰ جاری کیا ہے وہ درست سمت میں ایک مثبت پیش رفت ہے، جس سے یہ واضح ہوتا ہے کہ پاکستان ایک اسلامی ریاست ہے اور اسلام امن محبت اور رواداری کا دین ہے۔
ماضی میں بھی مختلف سطحوں پر دہشت گردی کے خاتمے کی خاطر پاکستان کے اندر مختلف اوقات میں اس قسم کے فتوے جاری کئے گئے تھے جو زیادہ موثر ثابت نہیں ہو سکے۔ تاہم اس مرتبہ ریاست کی سطح پر علما کی جانب سے کھل کر دشت گردی کی مخالفت توقع ہے کہ اہم کردار ادا کرسکتی ہے۔
ے
No comments:
Post a Comment