جب برطانیہ کے آسمانوں پر 15 ہزار بار بجلی کوندی

برطانیہ کے جنوبی حصے طوفانی بارش اور گرج چمک کی زد ہیں جبکہ آسمان پر بجلیاں لمحے لمحے بعد کوند رہی ہیں۔

بی بی سی موسمیات کے مطابق ہفتے اور اتوار کی درمیانی شب چار گھنٹے کے دوران تقریباً 15 ہزار آسمانی بجلیاں چمکیں۔

یہ گرج دار، چمک دار طوفان جنوبی انگلینڈ، مڈ لینڈ اور ویلز سے شمال کی جانب جا رہا ہے اور اتوار کو پورے دن جاری رہے گا۔

اسی بارے میں

انڈیا: 13 گھنٹوں میں 36 ہزار بار آسمانی بجلی گری

بہار میں آسمانی بجلی گرنےسے 26 افراد ہلاک

پرتگال میں ’آسمانی بجلی‘ سے لگی آگ

میٹ آفس نے شدید بارش اور سیلاب کے لیے زرد وارننگ جاری کی ہے۔

بہت سے لوگ اس طوفانی بجلی کو اپنے کیمرے میں قید کرنے اور ان کی ویڈیو بنانے کے لیے نکل آئے جسے انتہائی 'بے وقوفانہ' اور 'بجلی کی خیرہ کرنے والی روشنی میں نکلنا' قرار دیا گيا۔

بہت سے لوگوں نے کہا کہ انھوں نے اس قسم کا طوفان کبھی نہیں دیکھا اور کہا کہ 'بجلی کی چمک متحیر کرنے والی تھی۔'

ایک دوسری خاتون نے کہا کہ 'باہر جیسے دیوانگی کا شور تھا۔'

بی بی سی موسمیات کے پیش کار ٹوماز شیفرنیکر نے اسے جب اسے لندن پر منڈلاتے دیکھا تو اسے 'طوفانوں کی ماں' کا لقب دے ڈالا۔

انھوں نے کہا: 'اے بچے یہ تو بالکل دیوانگی ہے۔ 'میں نے اتنی زیادہ تیزی کے ساتھ بجلی چکمنے والا طوفان اپنی زندگی میں کبھی نہیں دیکھا۔ زیادہ بجلیاں لپک رہی ہیں لیکن ان کی آواز بہت تیز نہیں ہے اور ان کا منظر قابل دید ہے۔'

مغربی ڈورسیٹ — **Image captionجب طوفان شروع ہوا تو ہیری نیئری نے اپنا کیمرہ تیار کیا اور ڈورسیٹ میں بروڈونڈسر کے مقام پر یہ تصویر لی۔**

بی بی سی موسمیات کے ماہر جیما پلم نے بتایا کہ طوفان شمال کی جانب رواں ہے اور اتوار تک رہے گا۔

میٹ آفس نے کہا کہ گھروں اور دفتروں میں تیزی سے پانی آ سکتا ہے۔ اور کہا کہ پانی کی تیز دھار اور گہرے پانی، آسمانی بجلی کے گرنے، اولے پڑنے اور تیز ہواؤں سے بعض عمارتوں کو نقصان پہنچ سکتا ہے۔